Украинадан тауық етін кірзігуге тыйым салынды

17 Ақпан 2020, 17:18
Сурет: АШМ Баспасөз қызметі

Қазақстан "құс тұмауына" байланысты Украинаның Винница облысынан құс және құс өнімдерін алып келуге тыйым салды, деп хабарлайды zakon.kz ҚР АШМ баспасөз қызметіне сілтеме жасап.

ҚР Ауыл шаруашылығы министрлігінің Ветеринариялық бақылау және қадағалау комитеті уақытша шектеуді 2020 жылғы 27 қаңтарда Халықаралық Эпизоотиялық бюросының Украинаның Винница облысында құс тұмауының жоғары патогенді вирусын тіркеуінің негізінде енгізді.

Сондай-ақ, Украина Республикасының Винницк облысы аумағы арқылы жылулық өңдеуден өтпеген (кемінде 70°С) тірі құстың, инкубациялық жұмыртқаның, мамықтың және қауырсынның, құс етінің және құс шаруашылығы өнімдерінің барлық түрлерінің транзитіне уақытша шектеу қойды. Сонымен қатар, құстарды күтіп-ұстауға, союға және бөлшектеуге арналған бұрын қолданыста болған жабдықтарды пайдалануға тыйым салынды.

Қазақстан құс өсірушілер Одағының президенті Руслан Шәріповтың айтуынша, аталмыш шара Қазақстан аумағын құстардың қауіпті ауруларының таралуынан қорғауға ықпал етеді.

"Осындай уақытылы шешім барда, құс өсіретін шаруашылықтардың иелері өзінің құстары үшін алаңдамаса да болады", - деді Руслан Шәріп.

Айта кетсек, Ресей Федерациясы мен Беларусь Республикасы да құс тұмауының шығуына байланысты уақытша шектеулер енгізді.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?