Ақмола облысы әкімінің орынбасары жаңадан тағайындалды

Ақмола облысы әкімдігінің баспасөз қызметі

Бұл лауазымды қызметке бұрын Целиноград ауданының әкімі болған Малғаждар Таткеев келді.

Ақмола облысының әкімі Ермек Маржықпаев 4 наурызда өткен жиында ҚР Президенті әкімшілігі келісіміне сәйкес, Малғаждар Таткеевті облыс басшысының орынбасары етіп тағайындады, деп хабарлайды zakon.kz.

"Осы жылдың 2 наурызындағы менің бұйрығым бойынша, ҚР Президенті әкімшілігінің келісімімен Таткеев Малғаждар Саттарұлы Ақмола облысы әкімінің орынбасары болып тағайындалды", - деді Ермек Маржықпаев.

Малғаждар Саттарұлы 1960 жылы туған, Көкшетау облысының тумасы, білімі жоғары, КСРО ІІМ Қарағанды жоғары мектебін бітірген. Заң ғылымдарының кандидаты. 1983 жылдан бастап ішкі істер органдарында, салық органдарында және қаржы полициясында жұмыс істеді.

2012-2013 жылдары Ақмола облысы жер қатынастары басқармасының бастығы болып жұмыс істеді.

2013-2014 жылдары - Зеренді ауданының әкімі.

2014 жылдың қыркүйегінен бастап Целиноград ауданының әкімі болды.

Оқи отырыңыз