Өткен тәулік ішінде коронавирус жұқтырудың жаңа дерегі тіркелген жоқ

ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитеті қазақстандықтарға үндеу тастады, деп хабарлайды zakon.kz.

"Құрметті қазақстандықтар, өткен тәулік ішінде елімізде коронавирус инфекциясымен ауырудың жаңа оқиғасы тіркелген жоқ. Бұл дертпен ауырған адам саны – 4. Олар дәрігерлердің қатаң қадағалауында карантинде жатыр. Бұл кісілермен байланыста болған адамдар анықталып, бақылауға алынды. COVID-19-бен күрес және індеттің алдын алу республика бойынша кең ауқымда жүргізіліп жатыр" делінген хабарламада.

13 наурызда Қазақстанда коронавирус инфекциясын төрт адамның жұқтырғаны белгілі болды. Олар - Германия мен Италиядан келген азаматтар. Үшеуі - Алматыда, біреуі Нұр-Сұлтандағы арнайы ауруханада жатыр.