Жаңалықтар тізбегі
0

Елбасы қазақстандықтарды Жеңіс күнімен құттықтады

Ақорда, сурет - Zakon.kz жаңалық 08.05.2020 21:55 Ақорда
Батырларымызға мәңгілік тағзым ету, ардагерлерге қамқорлық көрсету, халықтың ынтымағы мен тұтастығын сақтау – біздің қастерлі борышымыз.

ҚР Тұңғыш Президенті Нұрсұлтан Назарбаев Қазақстан халқын Жеңіс күнімен құттықтады, деп хабарлайды zakon.kz Елбасы ресми сайтына сілтеме жасап.

Елбасы Нұрсұлтан Назарбаевтың Жеңіс күнімен құттықтауы:

Қадірлі отандастар!

Ардақты ардагерлер!

Баршаңызды Ұлы Жеңістің 75 жылдығымен шын жүректен құттықтаймын!

9 Мамыр – әрдайым бәріміздің мерейімізді үстем ететін күн.

Бұл күні біз адамзат тарихындағы ең сұрапыл соғыста жеңіске жеткен батырларды ерекше құрметпен еске аламыз.

Майдан даласындағы жауынгерлік ерлік пен тылдағы қажырлы еңбекке тағзым етеміз.

Бұл ­– нағыз батылдықтың, әскери даңқ пен патриотизмнің мерекесі.

Баршаңызға белгілі, жеңіс бізге оңайға түскен жоқ.

Келер ұрпақтың бақытты әрі берекелі ғұмыры үшін миллиондаған адам фашизмді жеңу жолында жанын пида етті.

Ортақ іске Қазақстанның қосқан үлесі зор.

Еліміздің әрбір бесінші тұрғыны майданға аттанды.

Олардың көбі соғыс даласынан оралған жоқ.

Қазақстандықтар ерен ерлік пен бекем бірліктің жарқын үлгісін көрсетті.

Жаужүрек аталарымыз Брест қамалын, Мәскеуді, Ленинградты қорғауға барын салып, Сталинград, Курск шайқастарында, жау басып алған аумақтарды азат етуде жанқиярлықпен соғысты.

Берлиндегі Рейхстагқа Жеңіс туын тікті.

500-ге жуық қазақстандық Кеңес Одағының Батыры атағына ие болды.

Батырларымызға мәңгілік тағзым ету, ардагерлерге қамқорлық көрсету, халықтың ынтымағы мен тұтастығын сақтау – біздің қастерлі борышымыз.

Ел бірлігі – біздің жетістіктеріміздің басты кепілі.

Барлық қазақстандықты, соғыс және еңбек ардагерлерін Жеңіс күнімен құттықтаймын.

Баршаңызға зор денсаулық, ұзақ ғұмыр, игілік пен бақ-береке тілеймін!

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: