Жаңалықтар тізбегі
0

Құдыққа құлап, газдан уланған "Алматы су" қызметкері ауруханадан шықты

видеодан кадр, сурет - Zakon.kz жаңалық 10.06.2020 22:14 видеодан кадр
Ал екінші жігіт – Асқар Қайназаров әлі де ауруханада ем алуда. Ол да есін жиған, сөйлей алады.

8 маусымда "Алматы Су" АҚ-ның кәріз жүйесіндегі газ буымен уланған қызметкерлерінің бірі ауруханадан шығарылды. Оны шығарып алушылар арасында осыдан бір апта бұрын оны ажалдан арашалап қалған Наурызбай аудандық ХҚО-ның маманы Ержан Абдразақов та болды, деп хабарлайды zakon.kz.

Естеріңізге сала кетейік, 1 маусымда ХҚО-ның маманы "Алматы су" АҚ-ның екі қызметкері кәріз люктерінде жұмыс істеп, есінен танып, газ буымен уланып қалған жерінен құтқарып қалған. Сол кезде Ержан Әбдіразақов ТЖ қызметкерлерінің келуін күтпестен құдыққа түсіп, тағы бір азаматтың көмегімен жұмысшыларды сыртқа шығарған болатын.

Ажалдан аман қалған Нұржан өзінің құтқарушысы Ержан ағасына ағынан жарыла алғысын білдірді.

"Мен ол күнді екінші туған күнім десем болады. Өліп, қайта тірілгендеймін. Осы сәтте Ержан сынды батыл ағамыз болмағанда, о дүниелік болар едік. Бізге екінші өмір сыйлаған ағаларыма Алла ризашылығы үшін шын жүректен алғысымды білдіремін", - дейді Нұржан Қалыбай.

Ал, екінші жігіт – Асқар Қайназаров әлі де ауруханада ем алуда. Ол да есін жиған, сөйлей алады. Бірақ ауруханадан шығуға ерте, әлі де әлсіз. Оны да көруге Ержан бірнеше рет барған, бірақ палатаға жібермейді. Сондықтан оның бауыры Ысқақ арқылы хал-жағдайын біліп тұрады.

"Азаматтарымыз аман болса екен. Асқардың да тез айығып, қатарға қосылуын тілеймін. Нұржан ауруханадан шыққанда қатты қуандым. Туыстары, әріптестері келіп, бәріміз бірге қуанып, шығарып алдық. Енді Асқарды да осылай қуанышпен шығарып алатын күн тез жақындасын. Бәріміз де оның денсаулығы үшін дұғада отырмыз", - дейді Ержан.

Сын сағатта еш ойланбастан, өз өмірінің қаупіне қарамай, құтқаруға ұмтылған Ержан Әбдіразақовтың ісі үлкен ерлік, асқан адамгершілік.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: