Елімізде КаzAID - қазақстандық халықаралық даму агенттігі құрылады

19 Тамыз 2020, 17:53
Сурет: 24.kz

Елімізде "КаzAID қазақстандық халықаралық даму агенттігі" құрылады, деп хабарлайды "Хабар 24".

Жаңа ұйымның басты міндеті – басқа мемлекеттерге көмек көрсету. Бұл туралы Сыртқы істер министрлігі хабарлады.

Коммерциялық емес агенттіктің жарғылық капиталы республикалық бюджет есебінен қалыптасады. Ұйымды құруға 138 млн теңге жұмсалады. Мұнда халықаралық бизнес саласында тәжірибеден өткен 15 маман қызмет етеді. Алдымен Орталық Азия мемлекеттеріне көмек беру шаралары қолға алынбақ.

инистрлік өкілдерінің айтуынша, тек гуманитарлық көмек емес, басқалай да қолдау болады. Мысалы, студенттерге грант бөлу және медицина саласында әріптестік орнату жоспарланған. Жалпы тәуелсіздік жылдары Қазақстан Ауғанстан мен басқа да дамушы елдерге 500 млн доллардан астам қаржыға көмек көрсеткен.

Ержан Ашықбаев, ҚР Сыртқы істер министрінің орынбасары:

- Дамуға ресми көмектің гуманитарлық және басқа да көмектерден ерекшелігі – экономика мен адами капиталды дамытуға бағытталады. Және бұл ұзақ мерзімді жобаларға арналған. Ал, гуманитарлық көмек өзекті мәселе туындаған кезде ғана жібереді. Дамудың ресми көмегі сыртқы саясатты нығайтудың құралы деп айтуға болады. Әлемде қазір бір-біріне қол ұшын беру, қолдау көрсету маңызды болып тұр.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?