Төтенше жағдайлар министрлігіне қандай комитеттер кіретіні белгілі болды

3 Қыркүйек 2020, 23:35
Сурет: caravan.kz

Қазақстан Республикасы Төтенше жағдайлар министрлігіне қандай комитеттер қарайтындығы мәлім болды, деп хабарлайды zakon.kz.

1) Қазақстан Республикасы Төтенше жағдайлар министрлігі Өрт сөндіру қызметі комитеті; 2) Қазақстан Республикасы Төтенше жағдайлар министрлігі Азаматтық қорғаныс және әскери бөлімдер жөніндегі комитеті құрылсын, делінген үкімет қаулысының жобасында.

Жобада ҚР Ұлттық экономика министрлігінің Мемлекеттік материалдық резервтер комитеті енді ҚР Төтенше жағдайлар министрлігінің Мемлекеттік материалдық резервтер комитеті болып өзгертілетіндігі айтылған.

ҚР Индустрия және инфрақұрылымдық даму министрлігі Индустриялық даму және өнеркәсіптік қауіпсіздік комитеті екіге бөлініп, ҚР Төтенше жағдайлар министрлігі Өнеркәсіптік қауіпсіздік комитеті және ҚР Индустрия және инфрақұрылымдық даму министрлігі Индустриялық даму комитеті болып қайта құрылсын, делінген құжатта.

Қазақстан Республикасы Ішкі істер министрлігінің Төтенше жағдайлар комитеті таратылады.

Естеріңізге сала кетелік, Президент Қасым-Жомарт Тоқаев биылғы Жолдауында Төтенше жағдайлар комитетін қайта құрылымдау қажеттігін мәлімдеген еді.

Төтенше жағдайлар министрлігі 2014 жылдың 6 тамызында таратылып, ҚР Ішкі істер министрлігінің қарамағына өтті. Бұған дейін Төтенше жағдайлар министрлігін қайтару туралы қоғамда бірнеше рет ұсыныс көтерілген. Соңғы рет Төтенше жағдайлар министрі Владимир Божко болған.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар
қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?