Жаңалықтар тізбегі
0

БЗЖҚ-дан ел жаппай ақшасын шешіп ала бастаса, не болады? Сарапшы ащы шындықты айтты

Ашық дерекөздерден алынды, сурет - Zakon.kz жаңалық 07.09.2020 18:06 Ашық дерекөздерден алынды
Әрине,1,4 трлн теңге көлеміндегі қаражаттың бір мезетте жылжымайтын мүлік нарығына құйылуы пәтер бағасын қымбаттатып, тиісінше елдегі инфляцияның өсуіне түрткі болады - сарапшы.

2021 жылы зейнетақы шоттарынан қаражат алуға рұқсат беру туралы Мемлекет басшысының ұсынысы жылжымайтын мүлік бағасының өсуіне және елдегі инфляциялық процестерге кері әсер етуі мүмкін. Бұл туралы экономист Арман Байғанов өзінің Instagram парақшасында жазды, деп хабарлайды zakon.kz.

Сарапшы атап өткендей, Президенттің 2021 жылы кейбір азаматтарға зейнетақы шоттарындағы ақшасының бір бөлігін пайдалануға рұқсат беру туралы ұсынысы БЖЗҚ басшылығының өз қаражатын тиімді басқаратындығына онша сенбейтін тұрғындар үшін оңтайлы жайт болғаны сөзсіз.

Шенеуніктердің айтуынша, БЖЗҚ-дан шамамен 1,4 триллион қаражат алына алады. Әрине, мүмкіндік беріп тұрғанда халық бірден ақшасын шешіп алып, оны жылжымайтын мүлік сатып алуға немесе ипотекалық несиесін өтеуге жаппай лап қояды. Мәселен, Қазақстанның қаржы инстиуттарындағы барлық ипотекалық портфель 2 трлн теңгені құрайды. Әрине,1,4 трлн теңге көлеміндегі қаражаттың бір мезетте жылжымайтын мүлік нарығына құйылуы пәтер бағасын қымбаттатып, тиісінше елдегі инфляцияның өсуіне түрткі болады, деп жазады экономист.

Оның пікірінше, егер орташа есеппен бір пәтер сатып алуға 14 миллион теңге жұмсалса, онда жалпы 1,4 триллион теңгеге 100 мың тұрғын үйге қосымша сұраныс пайда болады (2019 жылы елімізде 320 мың жылжымайтын мүлік операциялары тіркелген).

- Сонымен қатар, зейнетақы активтері негізінен мемлекеттік компаниялардағы әр түрлі жобаларға салынған, ал үлкен қаражаттың алынуы ұлттық валюта бағамына кері әсерін тигізеді. Мемлекет, қоғам, міне осындай жағымсыз сценарийге дайын болуы керек, - депсөзін түйіндейді Арман Байғанов.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: