Экономиканың нақты секторы пандемия кезінде бәсекеге қабілеттілігін дәлелдеуде

9 Қыркүйек 2020, 10:50
Сурет: pixabay.com

2020 жылғы сегіз айдың қорытындысы бойынша экономиканың нақты саласындағы оң өсім сақталуда. Бұл туралы Үкімет отырысында ҚР Ұлттық экономика министрі Руслан Дәленов мәлімдеді, деп хабарлайды zakon.kz.

Оның айтуынша, экономиканың нақты секторы бәсекеге қабілеттіліктің жақсы көрсеткіштерін көрсетуде.

Есептік кезеңде автомобиль өнеркәсібі 51,8%, фармацевтика өндірісі - 34,1%, дайын металл бұйымдары - 18,8%, қағаз өнімдері - 15,3% және жеңіл өнеркәсіп - 11%-ке өсті. Республикада тұрғын үйді пайдалануға беру 6,4%-ке өсті.

Өнеркәсіптік өндіріс өңдеу өнеркәсібінің 3,3% өсуіне байланысты 0,3%-ке артты.

Өнеркәсіптің өсуі көптеген өңірде байқалады. Қостанай және Солтүстік Қазақстан облыстары, сондай-ақ Нұр-Сұлтан ең жоғары өсім көрсетті.

"Өсімнің жоғары қарқыны фармацевтика, дайын металл өнімдері, машина жасау, соның ішінде автомобиль өнеркәсібі және жеңіл өнеркәсіпте байқалуда. Өңір бойынша, Қостанай, Түркістан, Солтүстік Қазақстан облыстары жоғары өсім көрсетті", - деді Руслан Дәленов.

Құрылыс секторы тұрақты қарқынмен дамуда. Орындалған жұмыс көлемі 6,5% -ке артты. 8,1 млн. шаршы метр тұрғын үй пайдалануға берілді. Бұл өткен жылғы сәйкес кезеңмен салыстырғанда 6,4%-ке артық.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?