"Миллионмен декретке" шығу расымен тиімді ме

14 Қыркүйек 2020, 11:48
Сурет: видеодан кадр

Миллионмен декретке! Қазір әлемжеліде осы сарындағы түрлі марафондардан көз сүрінеді. Бәрі ақша табуды үйретеді, миллион табысқа жеткізеді. Ал соңғы тренд – декретке миллион теңгемен шығаруға көмектеседі. Бірақ, мұндай онлайн сабақтардың көздегені мүлдем басқа дейді қаржыгер мамандар. Олар керісінше, жүкті қыз-келіншектердің өздерін тақырға отырғызады екен, деп хабарлайды zakon.kz Еуразия бірінші арнасына сілтеме жасап.

Қазір инстаграмды ашып қалсаңыз болды, онлайн сабақтың сан түрін көресіз. Солардың ішінде ерекше көзге түсетіні – "декретке миллионмен" атты онлайн марафон. Бұл сабаққа қатысып, ақшасыңыз төлесеңіз жеткілікті. Сізге қомақты қаражатпен декретке шығуға үйретеді әрі көмектеседі. Алайда, есеп-қисапқа жүйрік мамандар бұдан сақ болмасаңыз опық деп қалуыңыз әден мүмкін дейді.

– Декретке миллионмен атышулы марафондарға қатысар кезде біліңіз, сізде міндетті түрде табысты кәсіп болу керек. Яғни, сізде ешқандай табыс жоқ, табысыңыз өте аз түсіп жатқан шотқа 300 мың көрсетіп, одан 295 аударым жасап отыру, нағыз алаяқтық! Сіз құжат өткізген де бәрі тексеріледі, – дейді бухгалтер Гүлнұр Нұрланқызы.

Гүлнұр да интернет арқылы қыз-келіншектерге бағыт-бағдар беретін онлайн марфондарды жиі өткізеді. Оның айтуынша, көп жағдайда алаяқтарға аңқау жүкті келіншектер тап болады екен.

Себебі, оларға сенген арулар соңғы тапқандарын еш ойланбастан аудара салады. Өйткені олар....

Гүлнұр Нұрланқызы, бухгалтер:

Сіз маған ақшаңызды берсеңіз, мен сізге төлем жасап алып беремін дегендер жүр. Маған бухгалтер болғаннан кейін, маған осылай ақшамды ала алмай жүрмін дейтіндер келеді. Құжат өткіздім, бермей жатыр деп. Неге? Себебі, басқа адамдарға берген, төлеп отырмын деп төлем жасаған, әлеуметтік сақтандыру қорына жасаған, ал табыс салығын төлемеген. Ол қыздар алданып қалып отыр.

Қарыжгер Эрита Әбдібаеваның пікірінше, декретке миллионмен шығу үшін арнайы онлайн сабақтарға барудың еш қажеті жоқ. Ең дұрысы, тапқан табысыңды қарапайым есеп-қисапқа салып, ой елегінен өткізу керек. Мәселен 1 миллион алу үшін....

Эрита Әбдібаева, қаржыгер:

Ол қарапайым математика деймін. Ақпарат деген толып тұр іздеген адамға. Ол жерде ешқандай тегін ақша жоқ! Ай сайын ақша салып отыру керек, 250 мыңнан 1 млн алғыңыз келсе. Ал ақша салмаймын, миллион теңге аламын деген маркетингтік әдіс деп ойлаймын. Отырып-отырып миллион теңге алатын ешқандай амал жоқ! Пенсионкасын төлеп, налогын төлеп қана милион теңге алады.

Қысқасы, тегін миллионды сізге ешкім бермейді. Ал дәл осы соманы алғыңыз келсе соңғы 12 айдағы айлық табыс 280 мыңнан кем болмауы керек. "Сондықтан жұмыс істемеген қыз-келіншектер "декретте миллион теңгемен шығарамын" деп уәдені үйіп-төккен алаяқтардан сақ болғаны жөн" дейді сарапшылар.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?