Ақтөбеде интим қызмет көрсететін притон табылды

14 Қыркүйек 2020, 14:02
Сурет: видеодан кадр

Ақтөбеде массаж салоны түріндегі интимдік қызмет көрсететін притон анықталды, деп хабарлайды zakon.kz Polisia.kz-ке сілтеме жасап.

9 қыркүйекте Ақтөбе облысы ПД криминалдық полиция қызметкерлері “Стоп Трафик” жедел алдын алу іс-шарасын өткізу барысында Ақтөбе қаласының ескі бөлігінде орналасқан VIP-массаж салоны түрінде жұмыс істейтін интимдік қызмет көрсетуге арналған притонды анықтады.

Жедел-іздестіру іс-шараларын жүргізу кезінде мекеме әкімшісі қызметін атқарған Ақтөбе қаласының тұрғыны ұсталды.

Тексеру кезінде Атырау облысының тұрғындары болып табылатын интимдік қызмет көрсеткен үш қыз болған.

Полиция департаментімен осы факті бойынша қылмыстық кодекстің 309-бабы 1-бөлігі (Жезөкшелікпен айналысу және жеңгетайлық үшін притондар ұйымдастыру немесе ұстау) бойынша сотқа дейінгі тергеу басталды.

Сонымен қатар, материалдар әкімшілік құқық бұзушылық туралы кодекстің 425-бабы (Халықтың санитарлық-эпидемиологиялық салауаттылығы саласындағы заңнама талаптарын, сондай-ақ гигиеналық нормативтерді бұзу) бойынша кінәлі адамдарды әкімшілік жауапкершілікке тарту үшін Ақтөбе қаласының Тауарлар мен көрсетілетін қызметтердің сапасы мен қауіпсіздігін бақылау басқармасына жіберілді.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?