Алдағы үш күнге арналған ауа-райы болжамы

Синоптиктер аллдағы үш күнге арналған ауа-райы болжамын ұсынды, деп хабарлайды zakon.kz.

Аптаның соңына қарай Қара теңіз аймақтарынан шыққан циклон Қазақстандағы ауа-райына әсер етуін әлі де жалғастыруда. Салдарынан еліміздің басым бөлігінде ауа-райы бұзылып, жауын-шашынды болады, оңтүстік өңірде найзағай ойнап, қатты жел тұрады деп болжанады, ал еліміздің солтүстігінде, орталығында және шығысында нөсер жауады, жел ұйытқып, кей жерлерде тұман түсуі мүмкін. Тек еліміздің батысында жауын-шашын болмайды деп күтілуде, - деп хабарлайды "Қазгидромет" РМК.

Жұма күні Атлантикалық антициклонның ойысып келуіне байланысты Қазақстанның басым бөлігінде құрғақ, салыстырмалы түрде жылы ауа-райы күтіледі.