Министр Цой бәлеге шатыла жаздады

baigenews.kz baigenews.kz
Оның үстінен заңды тұлға сотқа шағым түсірген.

Денсаулық сақтау министрінің "Nephrolife Aktobe" ЖШС медициналық қызметін тоқтату бойынша әрекетсіздік танытуына қатысты "Ақтөбе БелАсу" ЖШС шағым түсірді, деп хабарлайды zakon.kz.

Sputnik Қазақстанның мәліметінше, Нұр-Сұлтан қаласының мамандырылған экономикалық соты денсаулық сақтау министрі Алексей Цойдың үстінен түскен шағымды қарап шықты.

Бұған дейін "Ақтобе БелАсу" медициналық орталықтың өкілі министрлікке арыз түсіріп, "Nephrolife Aktobe" ЖШС-ін лицензиядан айыруды талап еткен болатын. Алайда тиісті шара қолданылмады. Осыдан кейін арыз беруші денсаулық сақтау министрін әрекетсіздік танытқаны үшін айыптап, сотқа шағым түсірген. Сот заңды тұлғаның арызын қарап, министр Цойдың тарапынан әрекетсіздік болмады деген шешімге келді.

"Денсаулық сақтау министрі Алексей Цойдың "Nephrolife Aktobe" ЖШС медициналық қызметін тоқтату бойынша әрекетсіздік танытуына қатысты "Ақтобе БелАсу" ЖШС-ның шағымы қанағаттандырылмады. ЖШС лицензиясын тоқтату министрдің құзіретіне кірмейді. Сол себепті министрдің әрекетсіздік танытқаны расталмады", - делінген сот шешімінде.

Бұдан бөлек, сотта министр тарапынан "Заңды және жеке тұлғалардың арыздардын қарау тәртібі туралы" заңның 15-бабын бұзу әрекеті де анықталған жоқ. Себебі Цойдың атына жіберілген арыз "Міндеттерді үлестіру туралы" №431 бұйрық бойынша осы салаға жауапты вице-министр Людмила Бюрабекованың қарауына берілді. Ал 2020 жылы 28 маусымда шағым берушіге жауап жіберілген болатын. Онда заңды тұлғаның лицензиясын тоқтату министрдің құзіретіне жатпайтыны туралы айтылды. Оған Ақтөбе облыстық денсаулық сақтау басқармасы жауапты.

"Сотта министр арыз берушінің шағымын қарау бойынша өзіне жүктелген міндеттерді орындағанын растады. Соның негізінде арыздың талаптары қанағаттандырылмады", - делінген ресми хабарламада.

Соттың шешімі заңды күшіне енген жоқ.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз