Жаңалықтар тізбегі
0

Шымкентте тауық қырылып жатыр

видеодан кадр, сурет - Zakon.kz жаңалық 10.11.2020 17:49 видеодан кадр
Мұны ветеринарлар да растап отыр.

Соңғы бір аптаның ішінде "Бадам" елді мекенінде 100-ге жуық үй құсы қырылған. Белгісіз дерттен арам қатқан қанаттыларды иелері өз күшімен өртеп, көздерін жойыпты. Ал, тірі қалғандарының аузына арақ тамызып, адыраспанмен аластатып, әйтеуір аман алып қалғандарын айтады. Бірақ, соған қарамастан, кейбірі шетінен баудай түсіп жатыр екен. Әзірге, індеттің неден келгені белгісіз, деп хабарлайды zakon.kz Еуразия бірінші арнасына сілтеме жасап.

– Ойда-қырда ештемеден көмек болмады ғой, дәрі-дәрмектен. Өздерінен өздері тамақтары қыжылдап, ауыздарынан су ағып, қырылып бітті. Құс тұмауы деп айтты маған. Кеше звандап білгенімде мал дәрігерлерінен. Бәріне келіп жатыр деді. Кептермен келеді. Жем шашамыз, сол жемге кептерде келеді ғой, солардан жұқты ма? Өйткені, жан-жақтан келіп қосылатын бөтен тауықтардан жұққан жоқ, – дейді Шымкент тұрғыны Базарбек Раушанов.

Мұндай жағдай "Бадам" елді-мекенінде жиі кездесуде, дейді тұрғындар. Бірақ, соған қарамастан бірде бір маман үй құстарына дәрі екпепті. Залалсыздандыру жұмыстарын да жүргізбеген. Жергілікті жұрт ауылдағы мал дәрігеріне бірнеше мәрте хабарласқанымен, дезинфекция ісіне қаржы бөлінбегенін айтқан.

– Мен былай санағаным жоқ. Бірақ, 50-ден көп тұғын. Дәу-дәу тауығы бар, қоразы бар. 50-ден көп. 60-70 бас бар-ау. 3 қап тауық болды ғой өлгендері. Тола-тола 3 қапқа салдым. Апарып өртеп жібердім, – дейді Шымкент тұрғыны Еркін Мұсаев.

Дегенмен, мұны ветеринарлар да растап отыр. Ауылшаруашылық басқармасы мамандарының сөзінше, 342 бас үй құсының өлген дерегі анықталыпты. Соның ішінде 20 сынама зертханада тексеріліп, барлығынан теріс қорытынды шыққан.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: