Алматыдағы алғашқы қар салдарынан 39 жол апаты, екі кісі өлімі тіркелді

Алматы қалалық полициясы жүргізушілерді жолда абай болуды ескертеді. Ауа-райының нашарлауы, бірінші кезекте, жалпы жол жағдайына әсер етеді, деп хабарлайды zakon.kz.

- Алматы қалалық полиция департаменті жүргізушілер қауымына көліктерін дайындап, дөңгелектерін қысқысына ауыстыруға шақырады. Ең бастысы - жол ережелерін қатаң сақтап, көлік жүргізу мәдениетінің деңгейіне сай болу. Өзара сыйластық пен тәртіп - бұл жол қауіпсіздігінің кепілі және еліміздің ірі мегаполисіндегі жол апаттарын азайтудың шешуші факторларының бірі, - дейді қалалық ПД.

Кешегі кештен бері Алматыда 39 жол-көлік оқиғасы болды, оның 9-ында зардап шеккендер бар. Өкінішке қарай, екі адам қайтыс болды.