Алматыда кәмелетке толмаған қызды мәжбүрлеп жезөкшелікке салған

Алматыда 17 жастағы қызды мәжбүрлеп жезөкшелікке салған, деп хабарлайды zakon.kz.

Полицияның анықтауы бойынша, жеңгетай әйел екі қызды мәжбүрлі түрде жезөкше еткен, олардың біреуі - небәрі 17 жаста, екіншісі - 22 жаста.

Алматы қаласының Медеу ауданындағы Пушкин көшесіндегі үйлердің бірінен жезөкше ордасы анықталды. Белгілі болғандай, әйел қыздарды жалақысы жоғары жұмысқа тұрғызамын деген желеуге қалаға ертіп келген. Шындығында, оларды мұнда жезөкше ордасы қабылдап алған. Қазіргі уақытта күдіктіге қатысты ҚР Қылмыстық кодекстің бірден екі бабы бойынша айып тағылуды: ҚР Қылмыстық кодексінің 134-бабы, "Кәмелетке толмағандарды жезөкшелікке тарту" және ҚР Қылмыстық кодексінің 309-бабы, "Жезөкшелер үйін ұйымдастыру және ұстау" бойынша", - деді Алматы қалалық полиция департаменті бастығының орынбасары Берік Әбілбеков.

Күдікті қамауға алынды. Полиция күдіктінің бұрын өзінің жаңа туған сәбиін сатқаны үшін сотталғанын атап өтті.