Жұртты енді COVID-19 вакцинасы құрамының қауіптілігімен қорқытып-үркіте бастады
inform.kz
Қазақстандықтарға әлеуметтік желілер мен мессенджерлер арқылы тағы бір дәйексіз хабар келіп жатыр, деп хабарлайды zakon.kz.
Бұл жолы COVID-19 қарсы вакцинаның құрамы өмірге қауіпті болып табылатындығы туралы ақпарат таратуда. Атап айтқанда, пайдаланушылар Pfizer компаниясы әзірлеген препараттың құрамына тоқталып, оның тізімін таратқан.
stopfake.kz бүгінгі таңда компания вакцинаның толық құрамын көпшілікке жариялағанбағандығын, сондықтан оның фейк екенін айтады.
Препараттың модификацияланған матрицалық РНҚ негізінде жасалғаны белгілі. Мұндай құрамдағы вакциналар бұрын-соңды қолданылмаған. Матрицалық РНҚ – ақуыздардың бастапқы құрылымы туралы ақпарат беретін толық РНҚ тізбегінің бөлігі. Ол ақпаратты ДНҚ-дан РНҚ-ға беру транскрипциясы арқылы алынады.
Акцинде тұрақтандырғыш ретінде липидті нанобөлшектер қолданылды. Бұл роботтар немесе машиналар емес – бұл құрамында мРНҚ болған липидтерге негізделген бөлшектер.
Дегенмен, таратылған хабарламада препараттың құрамына кірген деп болжанып отырған ингредиенттердің толық тізімі көрсетілген. Олардың біріншісі – калий хлориді немесе калий хлориді. Бұл қауіпсіз зат фармацевтикада кеңінен қолданылады. Атап айтқанда, бұл жүрек ырғағын қалыпқа келтіруге және ағзадағы калий деңгейін көтеруге арналған препараттар құрамына кіреді.
Тізімдегі келесі зат – бір негізді калий фосфаты, оны калий дигидроортосфаты деп те атайды. Оның қауіпсіздігі дәлелденді. Оған ұқсас зат – калий гидроортосфатынан көптеген елдерде рұқсат етілген Е340 тағамдық қоспасы жасалады. Сондай-ақ, осы заттың негізінде пенициллиндер шығаратын саңырауқұлақтарды өсіру үшін қоректік ортаның құрамдас бөлігі дайындалады.
Тізімде "қауіпті" зат ретінде көрсетілген натрий хлориді, бұл – кәдімгі ас тұзы.
Сондай-ақ, таратылған хабарламада аталған натрий фосфаты – Е339 тағамдық қоспасының негізі, оны қамыр қопсытқыш, балқытылған ірімшіктерде, шұжық пен қоюландырылған сүтте эмульгаторлар ретінде пайдаланады. Бұл улы қосылыс емес.
Тізімде көрсетілген соңғы компонент – сахарозаның екі негізді формасы. Қарапайым тілмен айтқанда, қант. Химия саласында ол дисахарид деп аталады және екі негізгі молекуладан тұрады – сахароза және фруктоза.
Қорытындылай келе, таратылым авторы вакцинаның нақты құрамын білмейді, өйткені ол еш жерде жарияланбаған және ол ұсынып отырған тізім күнделікті өмірде қолданылатын заттардың химиялық атаулары болып табылады, деп көрсетеді stopfake.kz.
