ШҚО тұрғыны жүргізуші куәлігінен өмір бойына айырылайын деп тұр

4 Желтоқсан 2020, 15:13
Сурет: user.vse42.ru

20 қарашада сағат шамамен 21.00-де Өскемен қаласындағы Теміржолшылар көшесінің бойында ППБ қызметкерлері Опытное поле ауылының 33 жастағы тұрғынын ұстаған, деп хабарлайды zakon.kz ШҚО ПД баспасөз қызметіне сілтеме жасап.

Аталған азамат көлік құралын басқару құқығынан 5 жылға айырылған бола тұра, алкогольдік масаң күйде "21213" маркалы көлік құралын басқарған, құқық бұзушы аталмыш көлікті қала шетіндегі үйлердің ауласынан айдап әкеткен.

Аталған факті бойынша ҚР ҚК-нің 346-бабы 1-бөлігі - Көлік құралдарын басқару құқығынан айырылған және алкогольдік масаң күйдегі адамның көлік құралын басқаруы және ҚР ҚК-нің 200-бабы - Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу (айдап кету) бойынша сотқа дейінгі тергеп-тексеру басталды.

- Қазіргі уақытта жүргізуші ұсталып, уақытша ұстау изоляторына қамауға алынды. Бірқатар сот сараптамалары тағайындалды, оның нәтижесі бойынша процестік шешім қабылданатын болады деді,- ШҚО ПД бастығы Сағат Мадиев.

Аталған қылмыстық құқық бұзушылықты жасағаны үшін 5 жылға дейін бас бостандығынан айыру және көлік құралын басқару құқығынан өмір бойына айыр жазасы көзделген.

Сотқа дейінгі тергеу жалғастырылуда.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?