Садыр Жапаров: Парламенттік басқару жүйесі бизнеске айналып кетті

kabar.kg kabar.kg
Жогорку Кенештегі әрбір орын 200 мыңнан басталып, 1 миллион долларға дейін сатылды. Халық та өз дауысын сата бастады.

Премьер-министр құзыретін уақытша тоқтатқан Садыр Жапаров "Ата Мекен" жетекшісі Өмірбек Текебаевтың "Конституция жобасы бізді 30 жылға кері лақтырады" деген мәлімдемесіне қатысты пікір айтты, деп хабарлайды zakon.kz Орталық Азияның жаңалықтар қызметіне сілтеме жасап.

Жапаровтың пікірінше, "Текебаев Конституциясы" елді 30 жылға кері лақтырған, соның салдарынан "парламенттік басқару жүйесі кәсіпке айналып кетті".

"Жогорку Кенештегі әрбір орын 200 мыңнан басталып, 1 миллион долларға дейін сатылды. Халық та өз дауысын сата бастады. Халықтың дауысын сатып алған депутат халық үшін жұмыс істей ма? Керісінше, ол бес жылда осы қызметке салған ақшасын бірнеше есе өндіріп алуға тырысады. Он жылда біз соны көріп отырмыз", - деп жазды Жапаров.

Бұның алдында "Ата мекен" партиясының жетекшісі Өмірбек Текебаев "Азаттыкқа" берген сұхбатында Конституция жобасын сынап, бұл құжат елді 30 жылға кері лақтырады деп мәлімдеген.

Жаңа Конституция жобасы қоғам талқылауына биыл 17 қарашада ұсынылды. Құжатты Жогорку Кенештің 80 депутаты жазған деп хабарланды.

zkadm
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз