Қостанай облысында мешіт пен шіркеулердің жұмысына рұқсат етілді

Қостанай облысының бас мемлекеттік санитарлық дәрігері 2020 жылғы 5 қарашадағы "Карантиндік шараларды күшейту туралы" қаулысына өзгерістер енгізді, деп хабарлайды zakon.kz.

Атап айтқанда, облыста діни объектілердің (мешіттер, шіркеулер, соборлар, синагогалар және т.б.) қызметіне бір адамға кем дегенде 4 шаршы метр қарастырылған жағдайда рұқсат етіледі. Ұжымдық іс-шаралар өткізуге тыйым салынады, адам қабылдау деңгейі 30% -дан аспауы керек.

Сонымен қатар, ғимарат ішінде орналасқан қоғамдық тамақтандыру орындарының жұмысына жол берілмейді.

Ереже 2020 жылдың 25 желтоқсанында сағат 00: 00-ден бастап өз күшіне енеді.