Камчатканың үстінде метеорит жарылды

12 Қаңтар 2021, 13:55
Сурет: Pixabay

Камчатканың үстінде аспанда метеорит жарылды, деп хабарлайды zakon.kz.

РИА Новостидің хабарлауынша, "Ресей Ғылым академиясының бірыңғай геофизикалық қызметі" федералдық зерттеу орталығы Камчатка филиалының директоры Данила Чебровтың айтуынша, ғалымдар Камчатканың үстіндегі Жер атмосферасында метеориттің жойылуын тіркеген.

Мамандар метеориттің атмосферада жарылғанын куәгерлер түсірген видеодан кейін зерттей бастағанын атап өтті. Оның видеосы әлеуметтік желілерде белсенді тараған. Видеода метеориттің құлдилап келіп, жарылғаны көрінеді.

Начики кентінде орналасқан инфрадыбыстық станса мәліметтері бойынша, мамандар Камчатканың батыс жағалауына жақын орналасқан атмосфераға метеориттің ұшып келген дыбысын 11 қаңтарда Камчатка уақытымен сағат 8.09-да тіркеген (10 қаңтарда Мәскеу уақытымен 23.09). Метеориттің жарылу алдындағы атмосфераның тығыз қабаттарындағы қозғалысы 55 секундқа созылды, - деді Чебров.

Оның айтуынша, белгінің алдын-ала бағалауы бойынша, объектінің диаметрі 10 метрден шамалы аз болған, ал жарылыс энергиясы тротил эквивалентінде 1-5 килотонна аралығында болған деп болжауға болады.

Чебровтың айтуынша, куәгерлер түсірген видео дәл осы метеороидтың атмосферада пайда болған кезін түсірген.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?