Алматыда өрт сөндірушілер тақтай қоймасындағы өртті жарты сағатта ауыздықтады

instagram instagram
Өртке қарсы сумен жабдықтаудың қашық орналасуына байланысты, су өрт автоцистерналардың көмегімен қамтамасыз етілді.

Алматыда өртке қарсы қызмет қызметкерлері жарты сағат ішінде 1,5 мың шаршы метр аумақты шарпыған қоймадағы өртті ауыздықтады, деп хабарлайды zakon.kz.

"2021 жылғы 21 қаңтарда 08 сағат 18 минутта Алматы қаласы ТЖ департаментінің күштері мен құралдары Жетісу ауданы Қазыбаев көшесіне шақыртудың жоғары дәрежесімен жіберілді. Өрт сөндірушілер келгенде 1500 шаршы метр аумақта жеке тұрған бір қабатты құрылыс ағаштары сақталған қойма ғимаратының ашық жалынмен жанып жатқаны анықталды. Өрт шыққан қоймадан қатты жылудың әсерінен оттың 10-15 метр қашықтықта орналасқан көрші қоймаларға таралу қаупі туындады, - дейді Алматы қалалық ТЖД.

Өртке қарсы сумен жабдықтаудың қашық орналасуына байланысты, су өрт автоцистерналардың көмегімен қамтамасыз етілді.

Өртті сөндіруге және қоймаларды оттан қорғау үшін 2 автобаспалдақ пен 8 әмбебап өрт оқпандары берілді. Қызыл жалынды сөндіру үшін Алматы қаласы ТЖД басшылығы мен жеке құрамнан 66 адам, 13 бірлік техника жұмылдырылды.

"Қабылданған шаралар арқылы өрт 30 минуттың ішінде сөндіріліп, 09 сағат 35 минутта толықтай жойылды. Зардап шеккендер мен мерт болғандар жоқ. Өрттің шығу себебі анықталуда", - деді ТЖД.



zkadm
Басты Топ LIVE Бәрі
bellz
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз