Браконьерлер 1 айда жануарлар мен өсімдіктер дүниесіне 8 млн теңгеге зиян келтірді 

1 Ақпан 2021, 16:52
Сурет: ҚР Экология, геология және табиғи ресурстар министрлігі

Жыл басынан бері ҚР Экология, геология және табиғи ресурстар министрлігінің Орман шаруашылығы және жануарлар дүниесі комитеті браконьерлік фактілерді ауыздықтау мақсатында 50-ден астам рейд жүргізді. Нәтижесінде табиғатты қорғау заңнамасын бұзудың 73 фактісі анықталды, деп хабарлайды zakon.kz ҚР Экология, геология және табиғи ресурстар министрлігінің баспасөз қызметіне сілтеме жасап.

52 жеке тұлға әкімшілік жауапкершілікке тартылды, 17 материал сот органдарына жолданды, сондай-ақ облыстық аумақтық инспекциялардың материалдары бойынша құқық қорғау органдары 4 қылмыстық іс қозғады.

Сонымен қатар, табиғатты қорғау заңнамасын бұзушылардан сот шешіміне дейін 9 қолдануға тыйым салынған балық аулау құралдары, бір атыс қаруы және 1655,4 кг заңсыз ауланған балық тәркіленді. Құқық бұзушыларға 611,6 мың теңге сомасында айыппұл салынды, жануарлар мен өсімдіктер дүниесіне келтірілген алдын ала залал 8 млн. 642 мың теңге.

Көрсетілген кезеңде инспекторлар облыстың балық шаруашылығы су айдындарынан 5 км астам қолдануға тыйым салынған балық аулау құралдарын (моножіптен және моноталшықтардан жасалған торларды) тапты және оны су айдынынан алып тастады, жойды.

Сондай-ақ қысқы кезеңде балықтың қырылуының алдын алу мақсатында тұрақты негізде тұманға қарсы іс-шаралар жүргізіледі. Бүгінгі таңда 265 шұңқыр, 43 жолақ кесіліп, 250 қамыс шоғыры орнатылды, аталған жұмыстарға 18 бірлік техника мен 58 адам жұмылдырылды.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?