ҚР ІІМ штаты 3 мың адамға қысқарады

Қазақстан Республикасы Ішкі істер министрлігі министрліктегі және басқа да орталық атқарушы органдардағы штат санының шегіне өзгерістер енгізу туралы Қазақстан Республикасы Үкіметі қаулысының жобасын дайындады, деп хабарлайды zakon.kz.

Атап айтқанда, құжатта 2021 жылдың 1 мамырынан бастап Ішкі істер министрлігі штаты санының шегін 2 924-ке қысқарту (мамандандырылған күзет бөлімшелері) қарастырылған.

Белгіленген шекті тағы қысқарту мемлекеттік органдар, оның ішінде Қазақстан Республикасы Жоғарғы Соты мен Бас прокуратурасына (аудандық және оған теңестірілген соттар мен қалалық прокуратуралар) бағынатын жекелеген объектілердің мемлекеттік қорғауға жататын нысандар тізімінен олардың күзеті функциясын бәскелес ортаға беруге байланысты шығарылуымен байланысты.

Қазіргі уақытта Ішкі істер министрлігінің штаты 126 563 адамды құрайды, қысқартудан кейін ол 123 639 болуы тиіс.

Қаулы жобасы "Ашық НҚА" веб-сайтында 2021 жылдың 22 ақпанына дейін қоғамдық талқы үшін орналастырылды.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021