Ваннада босанып қалған астаналық келіншек баласын тұншықтырып өлтірген

Pexels Pexels
Сотталушының орташа ауырлықтағы қылмыс жасағанын, өкінгенін, сондай-ақ оның денсаулық жағдайын (қант диабеті 1 дәрежелі, семіздік - 140 келі) ескере отырып, сот оған екі жылға бас бостандығын шектеу тұрғысында жаза тағайындады.

Нұр-Сұлтанда жаңа туған сәбиді буындырып өлтірген әйелге қатысты сот үкім шығарды, деп хабарлайды zakon.kz.

Нұр-Сұлтан қаласы Қылмыстық істер жөніндегі мамандандырылған ауданаралық соты хабарланғандай, былтыр 22 тамызда сотталушы пәтерінде бала туып, оны буындырып өлтірген.

Сот С.-ның іс-әрекеттерін босанғаннан кейін психологиялық қысымның салдарынан үрей жағдайында анасының жаңа туған баласын өлтіру (ҚР ҚК 100-бабы) деп бағалады, өйткені ол ванна бөлмесінде өз-өзін босандырған, ал бұл кезде келесі бөлмеде ағасы, жеңгесі мен шешесі болған. Бұл жағдай сот-психологиялық және психиатриялық сараптаманың қорытындысымен және сарапшының айғақтарымен расталды, - дейді сот.

Сотталушының орташа ауырлықтағы қылмыс жасағанын, өкінгенін, сондай-ақ оның денсаулық жағдайын (қант диабеті 1 дәрежелі, семіздік - 140 келі) ескере отырып, сот оған екі жылға бас бостандығын шектеу тұрғысында жаза тағайындады.

Қазақстан Республикасы Қылмыстық кодексінің 100-бабына сәйкес, 4 жылға дейін бас бостандығын шектеу немесе сол мерзімге бас бостандығынан айыру түріндегі жазаны қарастырады. Жеңілдететін мән-жайлар болған кезде сот ең көп мерзімінің жартысынан көбін, яғни 2 жылдан астам мерзімге жаза тағайындай алады.

Үкім заңды күшіне енген жоқ.

zkadm
Басты Топ LIVE Бәрі
bellz
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз