Атырауда мәдениет саласының қызметкері сотталды

gazeta.ru gazeta.ru
Тергеп-тексеру барысында 50,9 млн теңгені құрайтын келтірілген мүліктік залалдың 70%-ы өтелген.

Атырау облысында мемлекет мүлкін талан-таражға салғаны үшін мәдениет саласының қызметкері 7 жылға бас бостандығынан айырылды, деп хабарлайды zakon.kz ҚР ҚМА баспасөз қызметіне сілтеме жасап.

ҚР Қаржылық мониторинг агенттігінің қызметкерлері Атырау қаласында "Атырау облысы мәдениет, архивтер және құжаттама басқармасының облыстық ғылыми-әдістемелік халық шығармашылығы мен мәдени демалыс қызметтерін ұйымдастыру орталығы" КМҚК-ның қызметкеріне қатысты ҚР ҚК 189-б. 4-б. 2-т. бойынша қылмыстық істі тергеуді аяқтады.

Аталған қызметкер қызмет бабын пайдалана және материалдық жауапты тұлға бола отырып, өзіне сеніп тапсырылған аса ірі мөлшердегі мемлекет мүлкін талан-таражға салу әрекетін жасаған. Яғни, жалпы құны 70,9 млн.теңге болатын музыкалық аппраттарын иемденіп, ломбардқа өткізген және өз таныстарына төмен бағаға сатқан.

Сотқа дейінгі тергеп-тексеру барысында 50,9 млн теңгені құрайтын келтірілген мүліктік залалдың 70%-ы өтелген.

Атырау қаласы №2 сотының үкімімен кәсіпорын қызметкері кінәлі деп танылып, оған қатысты 7 жыл мерзімге бас бостандығынан айыру жазасы тағайындалды.

zkadm
Басты Топ LIVE Бәрі
bellz
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз