Алматыда L-Capital компаниясының негізін қалаушы әйел ұсталды

16 Ақпан 2021, 11:22
Сурет: polisia.kz

Алматыда L-Capital компаниясының негізін қалаушы адам ұсталды, деп хабарлайды zakon.kz.

59 жастағы азамат (әйел) уақытша ұстау изоляторына қамалды.

Алматы қалалық ПД Тергеу басқармасына келіп түскен салымшылардың ұжымдық мәлімдемесіне сәйкес, ҚР Қылмыстық кодексінің 217-бабы, 3-тармағы бойынша сотқа дейінгі тергеу басталды. Ведомствоаралық тергеу-жедел тобы құрылды. Компанияның кеңселерінде тінту жүргізілді. Нақтылық, объективтілік және жан-жақтылық қағидаттарын қатаң сақтай отырып, жүргізілген тергеу әрекеттері кешені барысында істің мән-жайлары анықталады, сонымен қатар процессуалдық шешім қабылданады, - деді Алматы қалалық ПД басшысының орынбасары Рүстам Әбдірахманов.

Қалалық ПД баспасөз қызметінің хабарлауынша, қылмыстық істе жәбірленуші ретінде 50 адам қатысуда.

Бұған дейін компанияның кеңсесінде тінту жүргізілгені хабарланған.

L-Capital - жай және артықшылықтары бар акцияларды шығаратын эмитент. Қызметтің негізгі түрлері - кеңес беру, инвестициялар, сонымен қатар тікелей инвестицияларды тарту саласындағы делдалдар болып табылады (ақпарат компанияның веб-сайтынан алынды).


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?