Түркияда террорист - Қазақстан азаматы ұсталды

Ашық дерекөздерден алынды

С.А. есімді Қазақстан азаматы Сирия-Түркия шекарасын кесіп өтіп, Түркияға заңсыз кірмек болған.

Сириядан Түркияға заңсыз өтпек болған Қазақстан азаматы ұсталды, деп хабарлады zakon.kz.

Hurriyet басылымының мәліметінше, Түркияның қауіпсіздік күштері Сирия шекарасына жақын орналасқан Килис провинциясында Қазақстан азаматын қамауға алды. Ақпаратқа сәйкес, ол – "қызыл" деңгейде іздеуде болған ДАИШ (Қазақстанда және басқа елдерде тыйым салынған террористік ұйым) мүшесі.

Түркия іздеуде жүрген адамдарды бес санатқа бөледі. Ал ұсталған қазақстандық ең жоғары деңгейде іздеуде болған.

С.А. есімді Қазақстан азаматы Сирия-Түркия шекарасын кесіп өтіп, Түркияға заңсыз кірмек болған.

Қазақстан сыртқы істер министрлігінің баспасөз қызметі бұл туралы тек ҰҚК ақпарат беретінін айтты. Комитет оқиғаның мән-жайын анықтап, хабарлауға уәде берді, деп хабарлайды Sputnik Қазақстан.

Оқи отырыңыз