Мамандар Байқоңырда қайтыс болған оқушы өлімінің себебін жариялады

Бір күн бұрын Байқоңырда жоғалып кеткен бала өлі табылды. Өлімнің себебі механикалық асфиксия делінеді, деп хабарлайды zakon.kz.

Ресей Федерациясы Тергеу комитетінің тергеу басқармасы Байқоңыр өткелінен шамамен 500 метр қашықтықта Сырдария өзенінің жоғарғы жағындағы сең арасынан Ерхан Анастың денесі табылғанын хабарлады.

Сот-медициналық сараптама баланың өліміне суға бату кезінде тыныс алу жолдарының жабылуына байланысты механикалық асфиксия себеп болғанын анықтады.

Мәйітте басқа дене жарақаттары жоқ. Анасқа қарсы күш қолдану белгілері де табылмады, - делінген хабарламада.

Енді екінші баланы іздеу шарасы жалғасуда. Оған жергілікті тұрғындар, авиациялық техника, сүңгуірлер, волонтерлар тартылған.

21 ақпанда Байқоңырда 2013 жылы туған екі ұлдың жоғалып кеткені белгілі болды. Кейінірек балалардың біреуінің денесі табылды.

Оқи отырыңыз

Елдің орталығы мен солтүстігінде екі жол-көлік оқиғасы болды

10:11, 22 қараша 2024

Қызылордада жыныстық құлдықта болған оқушы қыздың ісі қалай жүріп жатқаны белгілі болды

14:07, 21 қараша 2024

Алматыда автобус ішінде ер адамға пышақпен шабуыл жасалған видео пайда болды

13:43, 21 қараша 2024