Қазақстанда 10 наурызда телерадиохабар тарату уақытша тоқтатылады

Қазақстанда 10 наурызда сағат 03:00 мен 17:00 аралығында телерадиjхабарлар тарату жұмысы уақытша тоқтатылады, деп хабарлайды zakon.kz.

"10 наурызда сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады", деп хабарлады "Қазтелерадио" компаниясының баспасөз қызметі.

"Қазтелерадио" АҚ тоқсан сайын жерсеріктік және эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.

"Бұл жұмыстар телерадио хабарларын сапалы таратуды қамтамасыз ету үшін қажет, ал тоқсан сайынғы жоспарлы-профилактикалық жұмыстар сервисті ұзақ уақыт өшіруге мүмкіндік береді, сондықтан осы уақыт ішінде техникалық құралдарды жаңғырту бойынша қосымша жұмыстар да жүзеге асырылады. Уақытша қолайсыздықтар үшін кешірім өтінеміз", - делінген хабарламада.

Оқи отырыңыз

Мейіржан Төребаевты үйіне жіберді

13:01, 20 мамыр 2024

Димаштың пәлсапалық жұмбақ жазбасы жанкүйерлерді толғандырып қойды

10:33, 19 мамыр 2024

Өзбекстанда өткен халықаралық айтыста Мұхтар Ниязов бас жүлде иеленді

22:20, 17 мамыр 2024