Путин туралы фильм түсіргендер Мирзияевке кірісті

10 Наурыз 2021, 10:51
Сурет: видеодан кадр

Ресейлік "Мастерская" киностудиясы Өзбекстан президенті Шавкат Мирзияев туралы деректі фильм түсіруге кірісті. Фильмге "Өзбеккино" көмектесіп жатыр. Тапсырысты Өзбекстан президентінің әкімшілігі берген.

Фильм биыл тамыз айында, Өзбекстандағы президент сайлауы қарсаңында көрсетілмек, дейді centralasian.org.

"Мастерская" кино компаниясы 2015 жылы Ресей президенті Владимир Путин жайында "Президент. Жаңа Ресей тарихы" деген фильм түсірген. Фильм сыншылар тарапынан Путинді мақтап-мадақтау деген сынға қалған. 2018 жылы аталған студия тележүргізуші Владимир Соловьев пен Владимир Путиннің бір жарым сағаттық сұқбатын жариялаған.

Киносыншы Акмал Ризаевтың сөзінше, Мирзияев туралы түсіріліп жатқан фильмнен хабары бар, Путин жайындағы фильме ұқсайды. Оның продюсері қазақстандық Саида Медведева екен.

Медведева қазір Ташкентте, фильмді түсіруді бастап кетті. Фильмді 1 қыркүйек, Өзбекстан тәуелсіздігінің 30 жылдығы қарсаңында әрі президент сайлауы алдындағы үгіт-насихат науқаны кезінде көрсетпек.

Бес жылдық мерзімі аяқталып жатқан Шавкат Мирзияев ешқашан шетелдік БАҚ өкілдеріне сұқбат беріп көрмеген.

2018 жылы Шавкат Мирзияев 61 жасқа толғанда, "Мәртебелі президент" деген деректі фильм түсірілген.

Өзбекстан кезекті президент сайлауы биыл 24 қыркүйекте өтеді.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?