Алматыда карантин шаралары күшейтіледі

Алматы қаласының бас санитарлық дәрігерінің орынбасары Әсел Қалықова қалада карантин шаралары күшейтілетінін айтты, деп хабарлайды zakon.kz.

Бүгін, 10 наурызда Алматы "қызыл" аймаққа қайта оралды. Енді қалада шектеу шаралары күшейтілетін болады.

Құжат бүгіндері дайындалып, бизнес және қоғам өкілдерімен талқылануда. Кешке дейін Алматы қаласының бас санитарлық дәрігерінің жаңа қаулысына қол қойылады, - деді ол.

Қалықова қарар кешкі сағат 9-ға дейін дайын болуы мүмкін екенін атап өтті.

Оның айтуынша, өткен мереке күндеріне, сондай-ақ ауру жұқтырған адамдардың өзін-өзі оқшаулау режимін сақтамауына байланысты науқастар саны артуы мүмкін. Бас санитарлық дәрігердің орынбасары алматылықтарға маска киюге және қоғамдық орындарға барудан аулақ болуға кеңес берді.

Сондай-ақ ол жаппай вакцинация сәуір және мамыр айларында басталатынын мәлімдеп, алматылықтарды одан бас тартпауға шақырды.

Мұның бәрі Алматы қаласы тұрғындарының аурушаңдық деңгейінің күрт төмендеуіне әсер етеді, - деді Қалықова.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021