Алматыда көпірден секірмек болған ер адамды көпшілік байлап тастады

10 Наурыз 2021, 14:40
Сурет: видеодан алынды

Алматыда белгісіз жас жігіт көпірдің жиегіне шығып, өз-өзіне қол салмақ болған адамды аман алып қалды, деп хабарлайды zakon.kz тілшісі.

Оқыс оқиға Рысқұлов даңғылы мен Шемякин көшесі қиылысы маңындағы көпірде болған. Куәгерлердің айтуынша, ер адам жаяу жүргіншілер көпірінің жиегіне шыққан. Сөйтіп сол жиекпен көпірдің біресе бір жағына, біресе тағы бір жағына ерсілі-қарсылы жылжып, көліктер ағылып жатқан жол үстіне секірмек болған.

Көліктер тоқтап, ер адамды мұндай әрекетке бармауын сұрап, оны жаман ойынан айнытуға тырысты. Сөйтіп жердегілер ер адамның назарын өздеріне бұрып тұрғанда белгісіз жас жігіт аркаға көтеріліп, ер адамның жанына келіп, ұрып жіберді, содан кейін оны қапсыра ұстап қалды. Жүргізушілер көлік тросын алып шығарып, оны байлап тастады.

Оқиға орнына жеткен полиция қызметкерлері Рысқұлов даңғылының екі бағытын да жауып, құтқару шарасына белсенді қатысты. Кейін ер адамды төменге түсуге көндіріп, оны жедел жәрдемге салды.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?