Алматыда нағашы атасы немересін дырдай қып сабап тастады

11 Наурыз 2021, 15:32
Сурет: donday.ru

Алматыда атасы немересін сабап тастады. Бұл ақпаратпен "Не молчи" қозғалысының жетекшісі Дина Смайылова желіде бөлісті, деп хабарлайды zakon.kz.

Ол Facebook-те осы оқиғаның видеосын жариялады. Кадрда ер адам диванда, сосын еденге құлаған баланы тепкілеп, бетінен ұрады. Ол жанұшыра айқайлап, көмек сұрайды. Оған жауап ретінде атасы соққыны төпелей түсіп: "Аузыңды жабасың ба, жоқ па" деп зекиді. Экраннан тыс әйелдің дауысы естіледі, оған бала қан болғанын айтып, жедел жәрдем шақыруды сұрайды. Ол өз кезегінде балаға сонша неге бақырдың деп жатады. Видеоны кім түсіргені белгісіз.

Бұл оқиғаға қатысты Алматы ПД баспасөз қызметі түсініктеме берді. Сөйтсек бұл оқыс оқиға 15 ақпанда орын алыпты. 10 жастағы баланың анасы полицияға 6 наурызда ғана шағым түсірді.

Оқиға орнына тергеу-жедел тобы, Түрксіб ауданының учаскелік полиция қызметкерлері және әйелдерді тұрмыстық зорлық-зомбылықтан қорғау бөлімінің ювеналды полиция инспекторы барды. Ол кезде бұл адам наркологиялық диспансерде мәжбүрлеп емделіп жатқан, оған қатысты ҚР Әкімшілік құқық бұзушылық туралы кодексінің 72-2-бабы 1-тармағы, ұру бойынша материалдар жиналды. Балаға келтірілген жарақаттың ауырлығын анықтау үшін сот-медициналық сараптама тағайындалды. Сараптама оның жеңіл жарақат алғанын көрсетті. Материал мамандандырылған ауданаралық әкімшілік сот өндірісіне алынған. Ол бойынша жақын маңда шешім қабылданады, - дейді полициядағылар.

Әйелдің кәмелетке толмаған үш баласы бар екені белгілі болды. Ажырасқаннан кейін ол ата-анасымен бірге тұрған. Болған жанжалдан соң олар туыстарымен бірге тұрып жатыр.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?