Сыртқы істер министрлігі "Консул-Көмек" Telegram-ботын іске қосты

11 Наурыз 2021, 15:44
Сурет: proglib.io

Шет мемлекеттердегі азаматтарымыздың заңды құқықтары мен мүдделерін қорғау мақсатында Қазақстан Сыртқы істер министрлігінің "Консул-Көмек" Telegram-боты әзірленіп, іске қосылды, деп хабарлайды zakon.kz.

ҚР СІМ баспасөз қызметінің хабарлауынша, мұндағы негізгі мақсат – шет елдердегі елшіліктеріміз бен консулдық мекемелеріміздің мемлекеттік қызметтерді көрсету бойынша ақпаратты тиімді форматта ұсыну және түсіндіру, деп хабарлады ҚР СІМ баспасөз қызметі.

Мысалы, егер азаматымыз Қазақстан Республикасының шет елдегі өкілдігі арқылы баланың туу туралы куәлігін қалай алуды, некені тіркеуді немесе паспорт ресімдеудің тәртібін білмесе, онда осы бот арқылы мемлекеттік қызметті алу үшін қажетті құжаттардың тізбесі мен мерзімдері жөнінде тиісті ақпаратты алуына болады.

Сондай-ақ бот қызметтерді алу үшін Қазақстанның шет елдердегі өкілдіктеріне баруға алдын ала тапсырыс беруге мүмкіндік береді. Ол үшін ең жақын консулдық мекеме орналасқан мемлекет пен қаланы таңдап, байланыс мәліметтерін жазып алып, күні мен уақытын таңдау қажет.

Содан кейін аталған мекеменің консулдық қызметкері азаматымызға хабарлама арқылы бронь немесе өтінімін растайды немесе басқа бос уақытты ұсынады. Бот консулдардың азаматтармен өзара іс-қимыл жасау сапасын жақсартуға және көрсетілетін қызметтер бойынша олардың хабардар болуына мүмкіндік береді.

Telegram мессенджеріндегі "Консул-Көмек" боты @konsul_kaz_bot сілтемесі бойынша қолжетімді.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?