Қазақстанға жаңартылған Toyota Camry келе жатыр

kolesa.kz kolesa.kz
Седанға жаңа бампер мен оптика орнатылады.

Петербордағы зауыттан шығатын көлік жайлы мәлімет Росстандарт базасында жарияланды, дейді kolesa.kz.

2017 жылы қаңтарда жарық көрген Toyota Camry XV70 АҚШ, Еуропа, Жапония, Қытай нарығында жаңартылды. Енді біздің "камриге" кезек келген сияқты.

Автоөндіруші машинаны әлі көрсеткен жоқ, бірақ техникалық жағынан қандай өзгеріс болатыны бізге мәлім. Себебі Camry таяуда ғана көлік құралының типін мақұлдайтын құжат алды.

https://static.zakon.kz/uploads/posts/2021-03/thumbs/1616661577_4b2970cbe4991ebc33e4b15e30059dd8b2608855.jpg

Топтамада екі жаңа мотор пайда болған. Бұрынғы 6AR-FSE-нің орнын 2 литрлік M20A-FKS басады. Бұл агрегат та аралас бүрку функциясымен. Бойында 150 аттың күші бар, айналу моменті 192-ден 206 Нм-ге артқан. Қозғалтқыш 6 сатылы автоматпен емес, вариатормен жұптасады. Осылайша Camry-ге де сатысыз қорап орнатылатын болды.

2.5 литрлік қозғалтқыш та ауысты. Бұрынғы 2AR-FE-нің орнына енді A25A-FKS қойылады. Модель 2017 жылы АҚШ-та дәл осы мотормен ұсынылған. Қуаты 181-ден 200 ат күшіне, ал екпіні 231-ден 243 Нм-ге өсті. Инженерлер бұл жолы автоматты қалдырыпты, аталған мотор 8 сатылы қораппен жұмыс істейді.

https://static.zakon.kz/uploads/posts/2021-03/thumbs/1616661592_868932e25e77e98d598c10db8aa500bf8c2a96f4.jpg

Camry 3.5-тің қуаты артпады. V6 бұрынғыдай 249 ат күші мен 356 Нм айналу моментін береді. Толық жетекті және гибрид нұсқадағы көліктер ЕЭО елдеріне жеткізілмейді.

Түр-сипаты мен интерьеріне келер болсақ, еуропалық машинадан еш айырмашылығы жоқ. Седанға жаңа бампер мен оптика орнатылады, салонда Apple CarPlay, Android Auto-мен жұмыс істейтін 9 дюймдік планшет болады.

Жаңарған Camry-дің қашан көрсетілетіні белгісіз, дегенмен ол күн алыс емес сияқты.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз