Қазақстанның кей жерлерінде қатты жауын-шашын болады

29 наурызға жақын ауа температурасы төмендейді деп күтілуде.

Қазгидромет Қазақстан бойынша 2021 жылғы 27-29 наурызға арналған ауа райы болжамын жариялады, деп хабарлайды zakon.kz.

Қазақстан аумағының үстінде біріккен Жерорта және Солтүстік-Батыс циклондары елдің оңтүстігінде, оңтүстік-шығысында және шығысында жауын-шашын тудырады.

Кей жерлерде жаңбыр мен қар түрінде, оңтүстік өңірлерде найзағай ойнап, бұршақ жаууы ықтимал.

Жекелеген аудандарда тұман, көктайғақ, желдің күшеюі, солтүстік өңірлерде жаяу бұрқасын байқалады. 29 наурызға жақын ауа температурасы төмендейді деп күтілуде.