Доллар бағамы тағы 1,5 теңгеге өсті

Мұнай бағасы кешегі құлдыраудан кейін 6 сәуірдегі саудада қайта бас көтеріп, өсуде.

Қазақстан қор биржасы (KASE) сағат 11: 00 уақытындағы жағдай бойынша доллардың орташа бағамын белгіледі, нәтижесінде баға бірден 1,53 теңгеге көтеріліп, америкалық валюта құны 428,99 теңгені құрады, деп хабарлайды zakon.kz.

Ақша айырбастау пункттерінде АҚШ ақшасы 426,8-430 теңгеден, евро - 503-508 теңгеден, Ресей рублі 5,6-5,7 теңге аралығында сатып алынып, сатылып жатыр.

Сонымен қатар, мұнай бағасы кешегі құлдыраудан кейін 6 сәуірдегі саудада қайта бас көтеріп, өсуде.

WTI маркалы мұнайдың мамыр айындағы фьючерстері 0,70% көтеріліп, оның бір баррелі 59,05 долларды құрады.

Brent маркалы мұнайдың мамыр айындағы фьючерстері 0,51% өсіп, бір баррелі 62,47 долларды құрады.