Жанбайды, ериді. Желіде бетпердені сынап көрген видео тарауда

19 Сәуір 2021, 14:30
Сурет: видеодан алынды

Желіде медициналық бетпердені өртемек болған адамның видеосы тарауда. Бірақ жеке қорғаныс құралы жанбайды, ериді. Осыған байланысты видео авторлары бетпердені улы деген қорытынды жасайды, деп хабарлайды zakon.kz.

stopfake.kz бұл жаңсақ тұжырым екенін, медициналық маскалардың уыттылығы туралы ақпаратты ҚР Денсаулық сақтау министрлігі жоққа шығарғанын жеткізді.

– Біріншіден, бұл видео Қазақстанда емес, Ресейде түсірілген және біздің елге қатысы жоқ. Екіншіден, бізде сатылатын бетперделердің сапасы санитарлық талаптарға сәйкес келеді және сапасы жоғары, – деп хабарлады ведомстводан.

Сонымен қатар, медициналық бетперде жанбай, ерігені таңқаларлық және әдеттен тыс жайт емес. Жеке қорғаныс құралдары арнайы материал – спанбондтан жасалады. Бұл синтетикалық тоқымаға жатпайтын материал, ол берік, жоғары және төмен температураға төзімділігі, су өткізбейді, сондай-ақ инфекциялардан қорғауға қажетті басқа да қасиеттерімен ерекшеленеді.

Спанбонд улы емес және қауіпсіз. Ол синтетикалық материал болғандықтан, жанған кезде ериді, бірақ зиянды қосылыстар бөлмейді.

Пластик медициналық маскалар өндірісінде қолданылмайды.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?