Нығматулин: Сыртқы қарыз игерілмесе – бірінші басшы жауап берсін

21 Сәуір 2021, 11:12
Сурет: Ж.Құспанов

Мемлекеттік сыртқы қарызды игермегені үшін жауапкершілік мемлекеттік органның бірінші басшысына жүктелуі тиіс. Мәжіліс Төрағасы Нұрлан Нығматулин осылай деді, деп хабарлайды zakon.kz.

Бүгін жалпы отырыста депутаттар "Қазақстан Республикасының кейбiр заңнамалық актiлерiне бюджет заңнамасын жетiлдiру мәселелері бойынша өзгерiстер мен толықтырулар енгiзу туралы" тиісті заң жобасын бірінші оқылымда мақұлдады.

Мәжіліс Төрағасы Нұрлан Нығматулиннің айтуынша, сыртқы қарыз қаражатын игермегені үшін жауапкершілік, "бұлыңғыр болмауы" тиіс. Ол нақты жазылуы керек. Егер құжаттың Үкіметтің нұсқасын қабылдайтын болсақ, онда іс жүзінде жауапкершілік ұйымның бірінші басшысын жауапкершіліктен алып тастап, орынбасарға жүктелетіні түсінікті. Бұл барлық жерде болады. Сондықтан да, мұндай сәйкессіздіктерге жол беруге болмайды.

Нұрлан Нығматулин сыртқы қарыздың игерілмеуі бюджеттен қосымша шығындарға алып келуі мүмкін екенін атап өтіп, тиісті норманы заңнамалық деңгейде бекіту арқылы мемлекеттік органның бірінші басшысының жауапкершілігін күшейту қажеттігін айтты.

Сонымен қатар, Мәжіліс Төрағасының пікірінше, жергілікті бюджетті болжау кезінде аймақтардың ерекшелігі ескерілуі тиіс.

Сондықтан, депутаттар жергілікті бюджетке түсімдерді болжау тәртібін жергілікті уәкілетті органдарға беруді ұсынады.

Осыған сәйкес, Палата Спикері заң жобасындағы аталған нормаларды екінші оқылымға дейін пысықтау қажеттілігін айтты.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?