Алматы облысында жол апатынан екі адам қаза тапты

21 сәуірде кешкі уақытта Бішкек-Алматы тас жолында, Алматы облысындағы Қошмамбет пен Ұлан ауылының арасындағы жолда ірі жол апаты болды, деп хабарлайды zakon.kz.

Алдындағы көлікті басып озбақ болған Mitsubishi мен Mercedes жүргізушілері қаза тапты.

ГАЗель көлігі жүргізушісінің сөзінше, қолайсыз ауа райы жағдайында озуға шыққан Mitsubishi Lancer мен Mercedes-Benz C-клас өзара соғысып, Mitsubishi жолдан ұшып кетсе, Mercedes ГАЗельге бетпе-бет соғылды.

Жарақат алған бір жолаушы жедел жәрдеммен ауруханаға жеткізілсе, қан-жоса болған тағы бір жолаушы көлік тоқтатып, апат болған жерден кетіп қалған екен.

"Мерседестің" 20 жастағы жүргізушісі мен "Мицубиси Ланцердің" 27 жастағы жүргізушісі оқиға орнында көз жұмды.