Батыс Қазақстан облысында 1 мамырдан бастап блок-бекеттер орнатылады

26 Сәуір 2021, 23:34
Сурет: b2bis.kz

Батыс Қазақстан облысының бас санитарлық дәрігері Мұхамғали Арыспаев аймақта карантиндік шараларды күшейту туралы жаңа қаулыға қол қойды, деп хабарлайды zakon.kz.

БҚО-ның "қызыл" аймақта болғанына бір айдан асты. 1 мамырдан бастап Орал қаласының кіре берісі мен шығатын жағына, сондай-ақ Ақжайық, Бөрілі, Казталов, Теректі, Шыңғырлау мен Бәйтерек аудандарының периметрі бойынша блок-бекеттер орнатылады.

Блок-бекеттер арқылы кедергісіз кіріп-шығуға (жол парақтары, жұмыс бұйрықтары, тапсырма жоспары, шот-фактуралар, іссапар құжаттары, медициналық мекемелердің жолдамалары, жеке куәліктер, жол билеттері көрсетілген кезде) мыналарға рұқсат етіледі:

- халықтың өмірін қамтамасыз ету ұйымдарының қызметкерлері;
- медициналық себептер бойынша аумаққа келіп-кететін адамдар;
- карантиндік ауруханаларда емделген және бақылауға алынған адамдар;
- транзиттік жолаушылар мен жүк тасымалдаушылар;
- ауысым жұмысшыларын тасымалдайтын көліктер.

Осы қаулыда көрсетілген адамдарды қоспағанда, өзге санаттағы азаматтардың барлығына аудандардың аумағына (аумағына) және Орал қаласының аумағына (учаскелеріне) кіруіне / шығуына тыйым салынады.

Бұл ретте, блок-бекеттердің жұмыс режимі мен мерзімдері COVID-19 инфекциясының таралуына байланысты эпидемиологиялық жағдайға сәйкес өзгертілуі мүмкін.

Қаулы 2021 жылдың 1 мамырынан бастап күшіне енеді.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?