Ресейде жүрген Нұрлан Сабуровты жерлестері туған қаласына әкім болуға шақырды

hsmedia.ru

Сабуровтың кандидатурасын жұрт кездейсоқ таңдап отырған жоқ, ол құрамында улы заттар бар қоқыстарды жоюға арналған кешеннің салынуына наразылық білдірген қала тұрғындарын қолдап, нәтижесінде олар жеңген еді.

Степногорск қаласының тұрғындары ерекше мәлімдеме жасады , олар өздерінің танымал жерлесі, әзілкеш Нұрлан Сабуровқа қала әкімі болуды ұсынды, деп хабарлайды zakon.kz.

Қоғам белсенділері әзілкештің туған қаласына ерекше ықыласы барын атап өтті.

Жеңіске жету мүмкіндігін жоғары, біз солай ойлаймыз. Сіз Степногорск қаласының абсолютті тумасысыз, - дейді олар.

Azattyq Rhyhy сайтының хабарлауынша, Степногорск пен оның маңындағы елді-мекендердің жүздеген проблемалары бар: экология, құрылысы аяқталмаған көп қабатты тұрғын үйлер, тұрғын үй-коммуналдық шаруашылығы саласы, абаттандыру және тағы басқа.