Жаңалықтар тізбегі
0

Беларусь тағы бір әлем чемпионатын өткізу құқығынан айырылды

TASS, сурет - Zakon.kz жаңалық 30.06.2021 15:30 TASS
Бұған дейін Минск хоккейден 2021 жылы әлем чемпионатын өткізу құқығынан айырылған.

Халықаралық жеңіл атлетика федерациясы 2022 жылы жүру спорт түрі бойынша әлем чемпионатын Минск қаласында өткізбеу жөніндегі шешім қабылдады, деп хабарлайды zakon.kz centralasian.org-ке сілтеме жасап.

Ұйым мәлімдемесінде қазір жарысты өткізу жөнінде басқа елдермен сөйлесіп жатқаны, оның қорытындысы жөнінде кейінірек мәлімет берілетіні жазылған.

Жарысты басқа қалада өткізу шешімі қауіп-қатерді анықтайтын комитет баяндамасынан кейін қабылданды. Баяндамада Беларусьпен дипломатиялық қарым-қатынастардың анық болмай жатқаны және бұл өлкеге барудағы шектеулер қауіп-қатерді күшейтеді,- деп жазылған мәлімдемеде.

Өткен аптада Минскте триатлон бойынша жарысқа қатысып жатқан үш велосипедші ұсталып, сот шешімі бойынша екеуі 15 тәулікке, біреуі 14 тәулікке қамауға алынған. Бұған олардың жарыс кезінде "наразылық ретінде ұрандар айтып айқайлағаны" себеп болғаны хабарланған.

Осыған дейін Минск Хоккей бойынша 2021 жылы әлем чемпионатын өткізу құқығынан айырылған. Наурызда Халықаралық Олимпиада комитеті Александр Лукашенконың ұлы Виктор Лукашенконы Беларусьтың Ұлттық олимпиада комитетінің жаңа басшысы ретінде танудан бас тартқан.

Мамыр айында Биатлоншылардың халықаралық бірлестігі 2022 жылы наурызда өтетін Биатлон бойынша әлем кубогын Беларусьтан Финляндияға ауыстыру жөнінде шешім қабылдағанын жариялаған.

Бұдан бөлек Беларусь Классикалық пауэрлифтинг бойынша әлем чемпионатын өткізу құқығынан айырылып, жарысты Швецияда өткізу шешімі қабылданған.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: