Лаңкестікпен күрес жөніндегі штаб алматылықтарға ескерту жасады
aqmolanews
Алматыда 2021 жылы 16 шілдеде Бостандық ауданында сағат 06: 00-ден 13: 00-ге дейін санитарлық-эпидемиологиялық нормаларға сәйкес жоспарланған лаңкестікке қарсы жаттығулар өткізіледі, деп хабарлайды zakon.kz.
Жаттығулар "Орбита-3" ықшам ауданы, 5-ші үй, №145 орта мектеп.мекен-жайы бойынша өтеді. Жаттығудың мақсаты - адамдар көп шоғырланған жерлерде террористік қауіп-қатер туындаған кезде өзара әрекеттесу дағдыларын машықтандыру.
Жаттығу міндеттері террористік катынасқа осал нысандардағы терроризм актісінің жолын кесу механизмін жетілдіруге бағытталған.
Сонымен бірге, жаттығу кезінде шектеу шаралары қарастырылатынын хабарлаймыз. Осыған байланысты біз азаматтарды қолданылып жатқан шараларға түсіністікпен қарап, қауіпсіздік шараларын сақтауға және жаттығуға қатысқан мемлекеттік қызметкерлердің заңды талаптарын орындауға шақырамыз, - делінген лаңкестікпен күрес жөніндегі мекеме мәлімдемесінде.
Қала тұрғындарынан тексерілмеген ақпаратты немесе фото және видеоны жариялаудан аулақ болуы сұралады.
Бұқаралық ақпарат құралдарын немесе телекоммуникация желілерін пайдаланып, қасақана жалған ақпарат тарату Қазақстан Республикасының Қылмыстық кодексінің 274-бабына сәйкес заңмен жазаланатынын еске саламыз, делінген хабарламада.
Қазақстан Республикасының Әкімшілік құқық бұзушылық туралы кодексінің 443-бабына сәйкес, қоғамдық тәртіпті қамтамасыз етуге қатысатын адамның заңды талабына бағынбау әкімшілік жауапкершілікке әкеліп соқтыратыны атап өтіледі.
Оқи отырыңыз
