Әр мамандықта әртүрлі. Қазақстанда биылғы шәкіртақы көлемі қандай

zakon.kz zakon.kz
Мемлекеттік шәкіртақыны тағайындау білім беру ұйымы басшысының немесе оның орнын басатын адамның бұйрығымен, оқу бөлімінің меңгерушісінің қызметтік жазбасы негізінде жүзеге асырылады.

Қазақстан Республикасы Үкіметінің 2021 жылғы 3 қыркүйектегі қаулысымен білім беру ұйымдарында білім алушыларға мемлекеттік шәкіртақы тағайындау, төлеу және мөлшерін белгілеу ережесіне өзгерістер мен толықтырулар енгізілді, деп хабарлайды zakon.kz.

Құжатта нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған "Еңбек" мемлекеттік бағдарламасының бағыты бойынша студенттерге емтихан сессиясының қорытындысына қарамастан мемлекеттік шәкіртақы төленеді делінген.

Бірінші академиялық кезеңге арналған мемлекеттік шәкіртақы мемлекеттік білім беру тапсырысы бойынша бірінші курста (бірінші оқу жылы) оқитын барлық студенттерге, магистранттарға әр айдың 1 қыркүйегінен бастап бірінші академиялық кезең мен мереке күндері аяқталғанға дейін төленеді, делінген құжатта.

Оқу күнтізбесінде белгіленген мерзімде емтихан сессиясынан өтпеген студенттерге, интерндерге, магистранттарға дәлелді себептерін (ауруы, отбасылық жағдайы, табиғи апаттар, академиялық немесе несиелік ұтқырлық үшін оқу) білім беру ұйымының басшылығы растайтын құжаттарды ұсынған жағдайда, емтихан тапсыруына жеке мерзім (емтихан сессиясы) тағайындалады.

Мемлекеттік шәкіртақыны тағайындау білім беру ұйымы басшысының немесе оның орнын басатын адамның бұйрығымен, оқу бөлімінің меңгерушісінің қызметтік жазбасы негізінде жүзеге асырылады.

Ұйымның кассирі арқылы төленетін жағдайларды қоспағанда, мемлекеттік шәкіртақы төлем картасын жасау немесе ағымдағы шотты ашу арқылы, одан соң ақшаны алушының таңдауы бойынша банкте ашылған есеп-айырысу шотына стипедия сомаларын аудару арқылы төленеді. Шәкіртақы екінші деңгейдегі банктердегі шотына түседі, ал екінші деңгейдегі банктің болмауы және төлем карталары жасалмаған жағдайда ұйым кассасы арқылы беріледі.

"Назарбаев Университеті" дербес білім беру ұйымының студенттеріне мемлекеттік шәкіртақы тағайындау мен төлеу тәртібі "Назарбаев Университеті", "Назарбаев Зияткерлік Мектептері" мен "Назарбаев Қорыны" мәртебесі туралы" Заңға сәйкес анықталады.

Мемлекеттік білім беру тапсырысы бойынша оқитын студенттер үшін ай сайынғы мемлекеттік шәкіртақының мөлшері төмендегідей болып белгіленді:

• білім берудің педагогикалық бағыттары мен "денсаулық сақтау" бағыты бойынша оқитын студенттерді қоспағанда, жоғары білім білім беру бағдарламаларын іске асыратын білім беру ұйымдарында оқитын студенттер - 31 423 теңге;
• педагогикалық бағыттар бойынша оқитын студенттерге - 50 400 теңге;
• жоғары білім беру ұйымдарында "денсаулық сақтау" бағытында оқитын студенттерге - 50 400 теңге;
• интерндерге - 59 289 теңге;
• магистранттарға - 76 950 теңге;
• "Назарбаев Университеті" дербес білім беру ұйымында оқитын магистранттар - 143 750 теңге;
• докторанттарға - 172 500 теңге;
• "денсаулық сақтау" бағыты бойынша докторанттарға - 172 500 теңге;
• "денсаулық сақтау" мамандығы бойынша оқитын резидент дәрігерлер мен магистранттарға - 88 494 теңге;
• мемлекеттік органдардан оқуға жіберілген Қазақстан Республикасы Жоғарғы Соты жанындағы Сот төрелігі академиясының магистранттары - соңғы жұмыс орнындағы лауазымдық жалақы деңгейінде, бірақ магистранттар үшін белгіленген мемлекеттік шәкіртақы мөлшерінен төмен емес мөлшерде стипендия алады.
• еңбек біліктілігі бойынша техникалық және кәсіптік білім беру бағдарламаларын іске асыратын білім беру ұйымдарында оқитын студенттерге - 21 787 теңге.
• техникалық және кәсіптік білім беру бағдарламаларымен даярлайтын (орта буын мамандар даярлауды көздейтін) білім беру ұйымдарында оқитын студенттерге мемлекеттік шәкіртақы, орта білімнен кейінгі білім алушыларға - 20 948 теңге.
Бұл ретте экологиялық апат аймағында тұратын студенттерге стипендия экологиялық қолайсыз жағдайда өмір сүру коэффициентін есепке ала отырып төленеді.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз