1 қарашада жаңа ақылы жолдар іске қосылады

15 Қыркүйек 2021, 16:41
Сурет: kolesa.kz

Елімізде 2021 жылы 1 қарашадан бастап жеті автомобиль жолы ақылы болады. Бұл туралы "ҚазАвтоЖол" ресми сайтында жазды, дейді kolesa.kz.

Бұрын хабарланғанымыздай, жүргізушілер мына жолдарда жүргені үшін ақша төлейді:

Щучинск — Көкшетау,
Шымкент — Өзбекстан шекарасы,
Шымкент — Тараз,
Шымкент — Қызылорда,
Тараз — Қайнар,
Нұр-Сұлтан — Павлодар,
Қапшағай — Талдықорған.

Компания өкілдерінің айтуынша, ақылы жолдар қажетті құралдармен жабдықталды, белгіленген жол бөліктері 1 қазанда сынақ режимінде жұмыс бастайды.

Жаңа ақылы жолдарда төлем қабылдау әдісі өзгереді. Енді тас жолда шлагбаум болмайды. Жүргізушілер смартфондағы қосымшаларды пайдаланып немесе RFID-таңба арқылы төлем жасайды.

Жол ақысына келетін болсақ, қолда бар мәлімет бойынша жеңіл көліктер Щучинскіден Көкшетауға дейін 50 теңге, ал Шымкенттен Қызылордаға дейін 420 теңге төлейді.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар
қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?