Нұр-Сұлтанның тағы бір көшесінде автобус жолағы пайда болады

Нұр-Сұлтан қаласында 25 қыркүйектен бастап Мұхамедханов көшесінде Айтматов көшесінен Тұран даңғылына дейін автобус жолағы іске қосылады, деп хабарлайды zakon.kz елорда әкімдігіне сілтеме жасап.

Бұл өзгеріс осы учаскеде үлкен сұранысқа ие екі бағдардың (№45 және 56 маршруты) қозғалысына септігін тигізеді. Осылайша жалпы саны 25 автобустың жүрісі жылдамдайды. Күн сайын осы бағыттармен 16 мыңнан астам жолаушы жүреді. Қоғамдық көліктен бөлек, автобус жолағы арқылы жедел жәрдем мен өрт сөндіру техникасы қозғала алады. Нәтижесінде олардың келу уақытын едәуір қысқартты, - дейді "City Transportation Systems" ЖШС баспасөз қызметі.

Айта кетейік, Мұхамедханов көшесінде бөлінген жолақтың енгізілуін ескере отырып, Нұр-Сұлтан қаласында "Bus Lane" жобасы ұзындығы 73,6 км болатын 26 жол учаскесінде жүзеге асырылуда.

Көлік жүргізушілеріне осы өзгерістерді назарда ұстап, қозғалыс бағытын алдын ала жоспарлап алу ескертіледі.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021