Павлодарда ер адамды пышақтап өлтіріп кетті

Ер адамды өлтірген күдікті ұсталды, деп хабарлайды zakon.kz.

Павлодарда 3 қазанда сағат 02:25 шамасында Сәтпаев көшесі 247 үйдегі пәтерлердің бірінде пышақталған 20 жастағы ауыл тұрғынының денесі табылды. Адам өлтірді деген күдікпен 23 жастағы Павлодар тұрғыны ұсталды.

Аталған фактіге сәйкес, ҚР Қылмыстық кодексінің 99-бабы, 1-бөлігі бойынша сотқа дейінгі тергеу басталды. Ұсталған адам Павлодар қаласының уақытша ұстау изольяторына орналастырылды, - деп хабарлайды Павлодар облысы ПД баспасөз қызметі.

Өзге ақпарат тергеу мүддесі тұрғысында жария етуге жатпайды.