Түркістанда мақта бағасы 300 теңгеден асты

Түркістан облысы әкімінің баспасөз қызметі Түркістан облысы әкімінің баспасөз қызметі
Биыл жалпы 110 мың га жерден 280 мың тонна шитті мақта теру жоспарланған.

Соңғы 30 жылда алғаш рет 2020 жылдан бері оңтүстік өңірінің шаруалары егістікке кедергісіз ағын су ала бастады. Нәтижесінде мақта терімі рекордтық көрсеткішке жетті. Бұл жетістіктер – екі ел арасындағы өзара ынтымақтастық байланыстардың нығая түсуінің нәтижесі. Түркістан облысына арнайы келген Өзбекстан республикасының төтенше жағдайлар министрі, Президент кеңесшісі Тұрсынхан Құдайбергенов пен Су шаруашылығы министрі Шавкат Хамраев бастаған делегация ауыл шаруашылығы саласына серпіліс әкелген өзгерістерге куә болып, мақталы аудандардың шаруаларымен кездесті. Еліміздің экология, геология және табиғи ресурстар министрі Серікқали Брекешов пен Түркістан облысының әкімі Өмірзақ Шөкеевпен бірге мақтааралдықтардың бүгінгі тыныс-тіршілігімен танысты, деп хабарлайды zakon.kz Түркістан облысы әкімінің баспасөз қызметіне сілтеме жасап.

Былтыр Мақтаарал ауданындағы су басқан егістік алқаптарды қайта қалпына келтіріп, шитті мақта егу жұмыстарына көрші елден қолдау көрсетілді. Өзбекстан Республикасының Жызақ және Сырдария облыстарынан 40 арнайы техника мен 250 тонна мақта шиті жеткізіліп, суы тартылған елді мекендердегі шаруаларға көмектесіп, мақта дақылын қайта егіп берген еді. Көршіден келген көмекті мақтааралдық диқандар ризашылықпен еске алады. Оның үстіне биылғы қуаңшылыққа қарамастан мақталы аудандардың шаруалары ағын суды артығымен алды. Сардоба апаты салдарынан Мақтаарал ауданындағы 7 мың 500 гектар егістік алқап зардап шеккен болатын. Егістікке қайтара мақта дәнін себу жұмыстары жүргізілді. Сол кезде Мырзашөл топырағына егілген өзбекстандық "Сұлтан" мақта сұрпы жоғары сапалы өнім берді.
Арнайы делегация "Алмат" шаруа қожалығының мақта терім алқабында болып, диқандармен жүздесті. Қуаңшылыққа қарамастан ағын суды артығымен пайдаланған шаруалар биыл мол өнім алуға ниетті.
Өңірде мақта бағасы өткен жылмен салыстырғанда екі есе өсті. Түркістан облысында 18 мақта өңдеу зауытының 200-ден астам мақта қабылдау бекеттері арқылы 1 тонна шитті мақта 300 мың теңгеге қабылдануда. Бүгінгі күнге жоспарланған егіс көлемінің 33 мың гектары теріліп, 70 мың тоннадан астам өнім жиналды.

https://static.zakon.kz/uploads/posts/2021-10/thumbs/1633340664_1fe67c8b-481c-483e-8a4a-78941cde9903.jpg

Былтыр Өзбекстандық техниканың көмегімен топан су басқан егістік алқабына мақтааралдықтар мақта дәнін қайта сеуіп алды. Көрші ағайындар техникадан бөлек, жанар-жағармайын, сұрыпты шитін де тегін беріп отырды. Сол кезде шығынға ұшыраған шаруалар үшін бұл өте үлкен көмек болды. Күндіз - түні тынбай еңбек еткеннің арқасында биыл мақта бітік шықты. Баға да көтерілді. Қазір келісін 300-320 теңгеден сатып жатырмыз. Көрші Өзбекстан елімен келісімге келіп, ағын суды артығымен алдық. Осының барлығы Елбасының қолдауымен, Мемлекет басшысының тапсырмасымен, көрші елмен орнаған достық қатынастың арқасында жүзеге асырылып жатқанын білеміз. Мемлекет қолдауымен тыңайтқыш пен жанар - жағармай жеткілікті. Ел риза. Диқандар табысын арттырып алатын болды, – дейді "Бағдат" шаруа қожалығының басшысы Дәулетбай Жорымбетов.

https://static.zakon.kz/uploads/posts/2021-10/thumbs/1633340647_d9d16762-f7da-4a6e-a805-3c7717786558.jpg

Биыл жалпы 110 мың га жерден 280 мың тонна шитті мақта теру жоспарланған. Мақта талшығы Еуропаға экспортталады. Сонымен қатар жиын-терім жұмыстарына 43 мың тонна жанар-жағар май бөлінді. Оның бағасы литріне 172 теңгеден босатылып жатыр.

https://static.zakon.kz/uploads/posts/2021-10/thumbs/1633340686_b33f2b94-4f75-465a-87ae-066273548236.jpg

Өзбекстаннан келген делегация Мырзакент жаңа мөлтекауданында салынған 1200 орындық мектеп құрылысымен танысты. Онда орнатылған заманауи қондырғылар мен мектепте ендірілген өңірде бұрын-соңды болмаған жаңа жобаның мүмкіндіктерін жоғары бағалады. Жаңа мектепке жиналған мырзашөлдіктер Мақтааралдың жаңа кейіпке еніп, бұрыннан да ажарлана түскенін мақтанышпен жеткізді. Халықтың қиындық кезінде тыныш тұрмыс іздеп, басқа жаққа үдере көшпегенін қуана айтты.

Қиындықтар ұмытылып, туған өлкеміз бұрынғыдан да гүлденіп келеді. Қаншама жаңа ғимараттар, емдеу мекемелері салынды. Айнала көкке оранып, ауданымыз ажарлана түсті. Өзбекстан халқымен ғасырлар бойы бірге өсіп келеміз. Ол жақта ағайын-туыс тұрады. Бір өзеннен су ішіп, бір ауамен тыныстанған туыс халықпыз. Қиындықта көмек беріп, қуанышымызды да бөлісіп отыр, - дейді Мырзакент ауылының тұрғыны Шахзада Құрбанбаева.

https://static.zakon.kz/uploads/posts/2021-10/thumbs/1633340674_b90a009d-df62-4316-824b-11522e452470.jpg

Сонымен бірге облыс әкімі Өмірзақ Шөкеев арнайы делегацияны Жетісай қаласындағы "Қыдыр ата" жекеменшік емхананың жұмысымен таныстырды. Заманауи жабдықталған медициналық мекемеде 120 емделушіге дейін ем қабылдай алады. Клиника дәрігерлері 100 шақырым жерде орналасқан Ташкенттік әріптестерімен тәжірибе алмасып отырады.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз